السلام عليكم
لماذا اذا اجتمع عدة اشخاص سواء عائلية او اصدقاء فتحوا التلفزيون وخذ متابعة .لا وممكن ناس تتابع وناس تهوجس وناس متضايقه
والى اخره. طيب انت واصدقائك او عائلتك مجتمعين ليش على شان تشاهدون التلفزيون بس . اين الحوار واللعب والفكاهه
هذا برايي هومايبعدنا اجتماعيا اكثر مما حنا بعيدين . لاحظوا بعض عند ما تجلسون والتلفزيون شغال يسرق الاضواء من احسن متكلم عندكم
لماذ هذا الصمت والى أي مدى سنصل بهذ الروتين الممل.يجماعة كل واحد يبرمج نفسه مع التلفزيون ويجعل وقته مقسم على عدة اشياء يعملها يوميا .ترى العمريمضي مسرعا والايام ماترجع ابد.لاحظت اننا بعمر الخمسين او اقل صرنا شياب بعمر التسعينات.يعني الواحد لجلس وراه ساكت وهواجيس وغيرها. وين مجلس اول والله اذكر ابوي الله يغفر له عندما كان يجتمع مع اصدقاءه وشلون الجلسه انيسه والله ماتمل سواليف
ومزح على تحفظاتهم عندنا حنا يالصغار الا ان هناك جاذبية لهم ولجلساتهم.كنا نروح نجلس عندهم برغبة منا مو مثل شباب اليوم
اذا ناديته وجلس عندك وكنه ينتظر اختبار بالمدرسة.(طبعا هذا بسبب تربيتنا لهم )؟؟!!
المقصد بالمقالة هذه ارجو من الجميع اذا اجتمعوا اغلاق التلفزيون وستشاهدون انكم ستتغيرون الى الاحسن باذن الله.
جربوا صحيح صعبة بالبداية لكن النهاية هي المكسب
التلفزيون صدقوني يضرنا اذا اخترنا البرنامج الخاطيء. يعني علينا ان نختار برامج ايجابية تفيدنا لان ذلك محسوب على ذاكرتنا وعقلنا.وايضا لانعطيه اكثر وقتنا.؟؟ ابو ماجد
ليست هناك تعليقات:
إرسال تعليق
اختر حساب قوقل كان عندك اواخترمجهول لتتمكن من التعليق وارجو كتابة اي اسم تريده مع التعليق